16 oktyabr 2023-cü il tarixində Azərbaycan Dövlət İqtisad Universitetində (UNEC) “Data Analitika və onun günümüzdə tələbi” adlı 4 günlük vörkşop-un birinci günü baş tutdu.
İlk gündə “Data Analitika” sahəsilə bağlı tələbələrdə ilkin məlumatlar və təsəvvür yaradıldı. Handex MMC-nin direktoru Rəşad Qurbanov tələbələr ilə aşağıdakı mövzular üzrə ilkin söhbət apardı:
- Data və onun əhəmiyyəti;
- Data Analitik kimdir?;
- Data Analitik peşəsi üçün nələri bilmək lazımdır?;
- Ölkəmizdə və dünya miqyasında bu peşənin perspektivləri;
- Data analitika ilə bağlı ödənişsiz resurslar.
Əsas məqsəd tələbələrin bu sahə haqqında məlumatlı olması və perspektivlərini görməsi idi. İlk gün məlumat dolu bir gün oldu.
Növbəti günlərdə Kamal Mustafayev tələbələrə Data Analitika alətləri ilə bağlı ən çox istifadə olunan təməl bilikləri izah etdi. Bunun məqsədi sonda keçiriləcək yarışa hazırlıq idi.
Son gün yarış günü idi. Tələbələr iki gün ərzində öyrəndiklərini tətbiq etməklə verilmiş tapşırıqları həll etməli idilər. “Yarış mükafatsız olmaz” deyib ən tez və doğru həll edən ilk üç iştirakçıya hədiyyələr təqdim etdik. Hədiyyələr uyğun olaraq ilk üç yerə Excel təliminə 100%, 70% və 50% endirim kartları idi.
Yekunda bütün iştirakçılara sertifikat təqdim edilərək xatirə şəkilləri çəkildi.